Doktè Deborah Pierre ki espesyalize nan iroloji, te fè yon kout pye nan klinik li nan ri Cameau pou l al pran kèk materyèl.
Nan moman l ap kite klinik lan, nèg ak zam k ap opere nan zòn nan ouvè katouch sou sou machin doktè Pierre.
Li te gen papa l avè l nan machin nan.
Irològ la ki blese ak katouch rann dènye souf li nan yon lopital nann kapital la tandiske papa l kontinye ap pran swen nan lopital.
Lanmò doktè Deborah Pierre mete dlo nan je Asosyasyon Ansyen Elèv Sacré-Cœur yo (AAESC), ki kondane zak asasinay sa.
AAESC reayaji pou l di "Doktè Pierre pèdi lavi l nan sikonstans ki revòltan non sèlman pou asosiyasyon an, men tou pou popilasyon an".
Pou AAESC zak sa se yon "atak abominab kont pwofesyon medikal la" k ap travay nan pou sove moso lavi nan peyi a.
AAESC ajoute : "Doktè Pierre mouri akoz babari gang yo ki kontinye ap opere san enpinite".
Doktè Deborah Pierre, 37 ans, ki tonbe anba bal bandi, mouri kite dèyè yon mari ak yon pitit gason
