Nimewo 1 nasyon dominiken an ki tap pale ak laprès, ayè lendi a, fè konnen, gen pou pi 7 katouch ki frape yon avyon Spirit ki tap tante ateri nan Ayewopò Pòtoprens lan.
Avyon an ki te soti Fort Lauderdale, te oblije kouri kite Pòtoprens pou al ateri an ijans an Repiblik Domininikèn.
"Te ka gen yon trajedi", deklare Abinader ki pat met dlo nan bouch li pou l kritike gwoup gang yo, ke li mete etikèt "teworis" sou yo.
Luis Abinader reyaji pou l di : "Se yon aksyon teworis. Si peyi k ap ede Ayiti yo pa deklare gwoup sa yo teworis, gwoup k ap tore sou yon avyon ki chaje sitwayen ayisyen, petèt ameriken, ou tout lòt nasyonalite [...], si yo pa deklare gang sa yo teworis, alòs m pa konn sa yo ye."
Pi lwen prezidan dominiken an fè konnen, si gwoup gang sa yo ta mete pye yo Sendomeng, l ap trete yo tankou teworis.
N ap raple, gen yon manm ekipaj avyon konpayi Spirit la ki blese pandan kout bal te fè mikalaw w sou avyon an.
