Fanatik Fatima yo mèt kòmanse fwote men yo, paske Albòm nan ap rive lendi 11 novanm. Yon albòm "powetik" selon atis la ki te pale ak VOA.
Se avèk mo sansib e pakèt emosyon, Fatima dekri nouvo pwodui li a: "Se yon albòm powetik, vilnerab, lanmou, ki melanje son ak emosyon pou fè fanatik mizik plezi", chantez la".
Album lan ki gen 12 mizik avèk bèl tit tankou "Wololoy" Fatima chante ak Kenny Haiti, ounyen "Self Love" Fatima chante ak Phyllisia Ross.
Antou genyen 7 atis ki kolabore ak Fatima sou albòm "Pwoteje m" nan, ladan yo ansyen chantè K-Dans lan, Jude Jean ki mete vwa l sou mizik "San kondisyon" an.
Fanatik yo ap jwenn Oswald sou tit "Nan dlo", tandiske Jean Bernard Thomas kolabore sou mizik "Map tann ou".
Toby Anbake ak Yoan se de lòt atis ki chante sou albòm lan.
Fatima pwomèt l ap antre Ayiti pou fèt fen ane yo pou fè melomàn yo danse "Pwoteje m"
