Gwoup nèg ak zam yo nan Pòtoprens sanble pa deside pran poz. Apre atak yo nan katye popilè Solino, kote yo fòse plizyè milye moun kouri kite kay yo, gang yo met fokis yo sou Fò Nasyonal.
Soti 2 novanm pou rive 3 novanm, katouch fè mikalaw sou plizyè kay nan Fò Nasyonal, nouvo sib atak gang yo ki pa sispann kraze brize.
Pou kounya, otirite yo oubyen òganizasyon yo poko bay yon bilan sou nouvo atak sa. men selon kèk temwen, bandi yo touye plizyè abitan nan zòn nan.
N ap raple, selon dènye rapò Nasyonzini an, gang yo achte Pòtoprens lajan kontan. 85% zòn metwopolitèn Pòtoprens lan anba kontwòl gang yo
