Nan kad yon filati nan Petyonvil, lapolis rive dekouvri yon polisye ki ta gen men l tranpe nan aktivite trafik katouch.
Jean Renel Pierre jwenn arestasyon l, pandan lapolis nan Petyonvil t ap mennen yon filati pou l mete men nan kòlèt yon manm gang Krache Dife ki, dapre enfòmasyon PNH jwenn, ta abò yon Pick up ble ki gen plak BB22021
Pandan lapolis t ap siveye machin nan, se nan moman sa ajan Cat Team nan apwoche veyikil la. San pèdi tan, lapolis fouke l.
Fòs lòd fouye machin nan. Yo dekouvri 3 telefòn, 237 mil goud, yon kouto taktik epi yon bann katouch ki pa gen anyen pou wè ak zam pèsonèl polisye a.
Antou yo jwen 2695 katouch nan machin nan.
Pou kounya Jean Renel Pierre nan men lapolis e l ap fè fas ak akizasyon trafik katouch, asosiyasyon ak bandi
