"Gwo ogmantasyon vyolans ak zam nan komin Akayè fòse plizyè milye moun kite kay yo", OIM ekri sou X (ansyen non Twitter).
Ajans Nasyonzini an fè konnen, depi 10 oktòb, gwo kout zam k ap chante nan Akayè, prensipalman nan lokalite Boukasen, fòse 21,710 moun kouri kite kay yo.
Tout kantite moun sa yo deplase (plis pase 5300 fanmi), nan mwen pase yon mwa, selon rapò OIM lan.
37% nan moun ki deplase yo al chache refij nan sit ki fèt pou sa, tandiske 63 ladan yo desann kay yon fanmi pwòch.
OIM souliye "Devan kriz sa a, bezwen imanitè pou abri, manje ak sipò sikososyal ap vin pi ijan chak jou".
