Kou Siprem Etazini apiye yon lwa federal ki vize pwoteje viktim vyolans familyal - setadi vyolans ki fet ant moun ki viv ansanm.
Jij yo vote 8 pou e youn kont Vandredi, an fave yon entediksyon ki egziste depi 1994 kont zam pou moun ki anba odonans restriktiv ki mande pou yo rete lwen ak madanm ou mari yo oswa patne yo.
Jij yo ranvese desizyon yon kou federal dapel nan vil Nouvel Orleyan ki te anile lwa a.
Se dezyem fwa jij yo tande yon lwa ki gen pou we ak 2e amandman nan konstitisyon Etazini depi yo te etann dwa moun genyen pou achte zam an 2022.
Ka a te gen pou we ak yon mouche nan Texas ke lajistis akize deske li bat menaj li epi menase pou tire l.
Moun tap veye dosye legal sa a akoz potansyel li genyen pou l afekte ka kote yo kestyone dwa yon moun genyen pou posede zam nan seten sikonstans. Pami ka sa yo genyen dosye pitit gason prezidan an, Hunter Biden.
