Majorite Repibliken an pouse atik sa yo nan yon vòt 18 a 15, e Demokrat yo nan komisyon an kritike efò a kòm yon ekzibisyon pou moutre sa yo ka fè.
Atik destitisyon yo akize Mayorcas kòmkwa li refize aplike lwa federal yo sou imigrasyon e ke li vyole konfyans piblik la, kote Repibliken yo kritike l daprezavwa li pa fè ase pou
rezoud pwoblèm sekirite, ak pakèt migran ki ap vini sou fwontyè Etazini-Meksik la nan kantite ki ap ogmante.
Efò sa a vini nan moman Sena a kontinye ap travay sou yon pwojè-lwa nan tèt ansanm ant 2 pati yo, ki gen ladann politik ke Prezidan Etazini Joe Biden te prezante, semenn pase a, kòm “seri refòm ki pi sevè e ki pi jis ke nou janm genyen pou kontwole fwontyè a.”
Akizasyon kont Mayorcas yo pwal devan tout chanm depite a reyini nan semenn k ap vini an.
Ak ti majorite mens ke Repibliken yo gen nan Chanm Depite a fas ak opozisyon Demokrat yo, li pa klè si yo pwal ka jwenn yon majorite pou destitye Mayorcas.
