Nan yon pòs sou X, ki te rele Tweeter anvan sa, Prezidan Marcos te konplimante Lai Ching-te, kandida pati ki sou pouvwa a, Pati Demokrat Pwogresis la (DPP) sou eleksyon li, samdi a, e li di li espere gen kolaborasyon sere ak nouvo prezidan an. DPP toujou anfavè pou Taiwan dirije tèt li, kote li repouse pawol Peken ki di ke li gen souverèente sou zile a.
Yon lòt kote, gouvènman peyi Nauru koupe relasyon diplomatik ak Taiwan, bagay ki pa antre nan santiman Etazini.
Zile nasyon an anonse desizyon pou li sispann rekonèt Taiwan e tabli relasyon diplomatik ak LaChin touswit apre eleksyon prezidansyèl ak palmantè ki sot dewoule nan Taiwan.
Pòtpawol Depatman Deta Matthew Miller di nan yon deklarasyon lendi swa Taiwan se yon patnè demokratik ki merite pou yo konte sou li, e ke LaChin pwomèt bagay pou l tabli relasyon diplomatik, e ke li pa respekte pwomès li.
