Mwayen Oryan
'Yo te Byen Oganize' - Yon Suvivan Atak Hamas 7 Oktòb la Kapte Militan yo sou Kamera Sekirite li
'Yo te Byen Oganize' - Yon Suvivan Juif Atak Hamas 7 Oktob la Kapte Militan yo sou Kamera Sekirite li
Associated Press te akonpaye Eyal Barat sa pa gen lontan, nan moman li tap tounen lakay li nan Nir Oz pou premye fwa depi plis pase 100 militan Hamas te atake kibbutz kote li tap viv la epi pati ak 80 pami 400 rezidan yo.
Moun Nir Oz yo konpoze yon tyè 240 otaj Hamas kenbe nan Gaza yo - e yo reprezante preske mwatye moun ki jwenn liberasyon yo nan yon seri boukantay otaj.
Barat montre jounalis AP kay bo paran yo, kote nèg ak zam te touye bo pè li pandan li tap eseye pwoteje madanm ni, ki soti vivan.
Barat te gen yon pèspektiv unik atak Hamas yo ak kidnapping yo nan Nir Oz 7 Oktòb la.
"Yo te byen oganize, yo te egzekite ak presizyon li te klè ke tout moun te konnen kisa pou yo fè e yo vinn isit la pou egzekite plan an."
Kèk mwa anvan atak la, enjenyè a te brikole pwòp kamera sekirite pa li bò lakay li pou veye moun ki tap pase byen vit nan katye a kote timoun konn monte bisiklèt yo. Se menm kamera sa a ki te avèti l bonè 7 Oktòb la pou l kenbe fanmi li nan yon chanm espesyal pou kache nan ka danje. Li te suiv sou telefòn li pandan yon kamyon chaje ak neg ame te pull up sou yo. Men pitit fi li ki gen 6 zan e ki soufri ak maladi otism pat konprann lavi yo te depann sou silans yo.
Anplis misye te gen madanm ni ak 2 lòt timoun. Pitit fi li te komanse rele e Barat di li te oblije kouvri bouch li pou pwoteje yo.
Moun Hamas sezi nan kibbutz la te gen ant 10 mwa ak 85 an. Tout te sivil. Plis pase mwatye te fanm ak timoun. 20 sitwayen mouri.
Militan yo pa antre lakay Barat.
Fanmi li te an sekirite, nan fè nwè, pandan plizyè hè'd tan.
Gras ak kamera sekirite a, Barat ak madanm ni te ka wè yon motosiklèt pwoche - 2 nèg desann epi rejwenn yon twazyèm ki pwoche bò kote yon kay an fas.
Yon nèg rete ak moto a, lòt la pwente zam li kont yon fenèt epi rale yon fanm soti nan bilding nan. Yo mete l sou moto a, kouvri l ak yon dra blan epi pati.
Misye di li te fè foto paske se tout sa li te ka fè.
"Mwen wè yo trennen l deyò epi pran li. Mwen te vle fè kichòy men pat gen anyen mwen te ka fè eksepte sa m fè - pran foto ak telefòn mwen - screenshot epi voye bay moun andeyò ki pa rete nan kibbutz la. Konsa omwens si yon bagay pase m oubyen telefòn mwen omwens moun va konnen kisak te rive dam nan."
Danielle Gilbert, yon pwofesè syans politik nan Northwestern University ki fè rechèch sou otaj, di Hamas ak lot gwoup ame konn sèvi ak moun sa yo kòm boukliye imen - oubyen pou negosye yon boukantay.
"Le fèt ke yo pran timoun, fanm ak granmoun pa nomal - yo se otaj vilnerab - se yon depa ak sa Hamas konn fè nòmalman, ak sa gwoup ame yo konn fè - men kanmenm yo te boukante moun sa yo - ki se abitud yo."
Pwofesè Gilbert presize ek nomalman gwoup ame yo konn pran gason adult kòm otaj.
See all News Updates of the Day
Kriz Grangou Frape Fanmi Palestinyen nan Gaza
Fanmi Palestinyen nan Gaza souvan manje yon sèl fwa pa jou, menm nan zòn kote gwoup imanite yo gen plis aksè pase zòn izole yo nan nò a ki prèske finn detwi nèt.
Yon fanmi kap viv nan yon tant nan rejyon santral Gaza di yal dòmi grangou chak swa.
Biwo Imanitè Nasyonzuni lanse avètisman pou di gen gwo ogmantasyon nan kantite fwaye kap fè fas ak grangou nan rejyon santral ak sid Gaza.
Ekspè yo di yon famin ap devlope nan nò a.
Izrayèl di li kite ase asistans antre. Men gwoup imanitè yo di restriksyon Izrayelyen yo ak batay kap kontinye epi degradasyon lwa ak lòd poze gwo obstak ki anpeche yo distribye asistans kòmsadwa.
Vize pa yon Manda Arestasyon CPI, Netanyahu Pwomèt li Pral "Kontinye Defann" Izrayèl
Apre plis pase yon ane konfli nan Gaza, Kou Pènal Entènasyonal (CPI) pwovoke kòlè Izrayèl lè li te emèt jedi mandan arestasyon san presedan kont Premye Minis Benjamin Netanyahu ak ansyen Minis Defans li Yoav Gallant pou krim lagè ak krim kont limanite.
Yon lòt manda CPI pou menm rezon yo vize Mohammed Deif, chèf bra ame Hamas la, ki te dirije yon atak sanglan 7 oktòb 2023 sou teritwa Izrayèl, ki te swiv pa yon ofansiv militè nan bann Gaza a, ki depafini anba gwo bonbadman depi lè sa.
"Pèsonn pa ka fè nou, espesyalman mwen, sispann defann peyi nou pa nenpòt mwayen posib," Benjamin Netanyahu te deklare nan yon mesaj bay sitwayen li jedi swa.
Dirijan an te deja kritike desizyon sa a kòm yon aksyon "antisemit" epi li te prezante tèt li kòm viktim yon nouvo "Pwosè Dreyfus," yon referans a kapitèn franse jwif la ki te kondane pou espyonaj nan fen diznevyèm syèk la, anvan yo te deklare l inosan epi reyabilite l.
Prezidan Ameriken Joe Biden te kalifye desizyon an kòm "eskandal," manda CPI a limite deplasman de responsab Izrayelyen yo. Nenpòt nan 124 peyi ki manm CPI yo teyorikman ta oblije arete yo si yo antre nan teritwa yo, menm si anpil peyi tankou Larisi, Etazini, ak Lachin pa rekonèt konpetans CPI.
Pou mouvman islamik palestinyen an, yo akeyi pouswit kont lidè Izrayelyen yo kòm yon "etap enpòtan nan direksyon jistis," menm si yo pa te mansyone manda arestasyon ki anonse an menm tan kont lidè militè yo a.
- Serge Michel
Kou Kriminèl Entènasyonal Lanse Manda Darè kont Lidè Izrayelyen ak Hamas
Tribinal Krim Lagè pi wo plase nan mond lan lanse manda darè pou lidè Izrayel ak Hamas, pami yo Premye Minis Benjamin Netanyahu.
Kou Kriminèl Entènasyonal Lanse Manda Darè kont Lidè Izrayelyen ak Hamas
Tribinal Krim Lagè pi wo plase nan mond lan lanse manda darè pou lidè Izrayel ak Hamas, pami yo Premye Minis Benjamin Netanyahu.
Manda darè yo pibliye Jedi e yo akize moun sa yo pou krim kont limanite an koneksyon ak lagè ki te tanmen sa gen plis pase yon ane desa.
Manda kont Netanyahu ak ansyen Minis Defans Izrayelyen Yoav Gallan santre sou akizasyon kom kwa Izrayèl sèvi ak manje kom zam nan kanpay lap mennen kont Hamas nan Gaza. Otorite Izrayelyen yo demanti akizasyon sa a.
Aksyon an ke Kou Kriminèl Entènasyonal la pibliye vini nan moman bilan viktim yo nan lagè Izrayèl ap mennen nan Gaza a rive a 44 mil mò.
Otorite sante lokal yo di gen plis pase mwatye nan viktim yo ki se fanm ak timoun.
Liban: Hezbollah di li te Tire "Misil Gide" sou Sòlda Izrayelyen
Lame Libanè a te anonse twa nan sòlda li yo te mouri Madi nan yon frap Izrayelyen ki vize pozisyon yo nan Sarafand nan sid Liban, kote Izrayèl ap goumen ak Hezbollah.
"Lènmi Izrayelyen an vize yon pozisyon militè nan vil Sarafand nan sid, touye twa sòlda," lame a te di sou X. Ministè Sante Libanè a rapòte uit lòt moun te blese nan atak sa a.
Facebook Forum