Lapolis antre nan lese frape ak manifestan ki tap pwoteste devan Komite Demokrat Nasyonal la Mèkredi swa. Manifestan yo tap pwoteste pou mande yon seselfe nan lagè ant Izrayèl ak Hamas la.
Yon pakèt depite Demokrat, reprezantan ak kandida - pami yo lidè minorite Lachanm, Hakeem Jeffries te andedan bilding la, kote yo tap asiste yon resepsyon pou yon kanpay politik lè manifestan yo, ki tap chante deyo a te entwonp yo.
Manifestan yo di yo te vle bloke antre ak soti bilding nan pou fose politisyen yo pou yo kongre ak veye yo a.
Sepandan sityasyon an te vinn mangonmen - rapido presto.
Lapolis Capitol la deklare gen 150 moun ki tap "pwoteste ilegalman e yon fason vyolan."
Sepandan manifestan yo blame lapolis pou vyolans la.
Lapolis Capitol la di gen 6 polisye ki oblije al lopital pou resevwa tretman pou blese leje e ke yo arete yon manifestan apre li te atake yon polisye.
