Mwayen Oryan
Blinken, Austin di Etazini Pare pou Reponn si yo ta Sible Anplwaye Ameriken Pandan Lagè Izrayèl - Hamas la
Sekretè Deta Etazini Antony Blinken ak Sekretè Defans Lloyd Austin di Lèzetazini pare pou pwoteje twoup Ameriken oubyen anplwaye gouvènman Ameriken ki nan Mwayèn Oryan an, si konfli Izrayèl - Hamas la vinn pi grav, jan yo atann yo a.
2 responsab yo di yo atann yo aske lagè a vinn pi laj atravè gwoup Iran apiye yo.
Blinken di Lèzetazini pa vle pou yon bagay konsa fèt men "nou pare pou sa.
Responsab wo plase Ameriken yo lanse avètisman sa yo nan moman konfli Izrayèl-Hamas la, ki te kòmanse apre atak militan Hamas yo te lanse kont Izrayèl 7 Oktòb la, ap antre nan 3èm semèn ni.
Depatman Deta pase lòd bay tout anplwaye ki pa esansyèl anbasad li nan Irak pou yo pati kite peyi a akoz tansyon yo ki ogmante nan rejyon an.
See all News Updates of the Day
Taliban Yo di Atak Ayeryen Pakistanè Touye 46 Moun nan Lès Afganistan
ESHAWAR, Pakistan (AP) — Yon ofisyèl gouvènman Taliban di atak ayeryen Pakistan yo sou lès Afganistan te touye 46 moun, sitou fanm ak timoun.
PHamdullah Fitrat, pòtpawòl adjwen gouvènman afgan an, te di moun ki te mouri nan frap sa, ki te vize kat lokal nan Barmal, yon distri nan pwovens Paktika, se refijye.
Sa a rive yon jou apre ofisyèl sekirite Pakistanè yo, ki te pale sou kondisyon anonim, jan règleman yo mande sa, te di Associated Press operasyon Madi a sete pou kraze yon sant fòmasyon epi touye rebèl.
Pakistan pa fè kòmantè sou frap yo, sepandan, nan Mèkredi, militè Pakistanè a te di fòs sekirite yo touye 13 rebèl nan yon operasyon lannwit lan.
Izrayèl di Li Pap Abandone Zòn Fwotyè yo ak Lasiri
Gouvènman Izrayelyen an anonse li pap abandone zòn tanpon li okipe sou fwontyè ant peyi a ak Siri toutotan sekirite rezidan nan Mòn Golan yo pa garanti.
Siri: Nouvo Pouvwa a anonse Entegrasyon Rebèl Yo Nan Ministè Defans Peyi a
Nouvo otorite siryen yo te anonse Madi yon akò ak "tout gwoup ame" pou kraze yo, yo presize yo pral entegre yo nan Ministè Defans lan.
"Yon reyinyon chèf" gwoup ame yo ak nouvo lidè peyi Siri a Ahmad al-Shareh "a debouche sou yon akò pou kraze tout gwoup yo ak entegrasyon yo anba sipèvizyon Ministè Defans lan", ajans ofisyèl Sana ak nouvo otorite yo te endike sou kont Telegram yo.
Diplomat Ameriken yo ak Anvwaye Spesyal pou Otaj yo Vizite Siri
ASHINGTON (AP) — Premye diplomat ameriken yo te vizite peyi Siri depi Prezidan Bashar Assad rache manyòk li nan kòmansman mwa sa a, nan Damas pou yo fè yon chita pale ak nouvo lidèchip peyi a epi chèche enfòmasyon sou kote jounalis Ameriken ki disparèt la, Austin Tice ye.
Depatman Deta te di byen bonè Vandredi diplomat an chèf pou Mwayen Oryan Barbara Leaf, ansyen anvwaye espesyal pou peyi Siri Daniel Rubinstein, ak anvwaye an chèf administrasyon Biden pou negosyasyon otaj, Roger Carstens, nan chita pale ak lidè pwovizwa peyi Siri yo.
Prensipal pwen nan ajanda yo se jwenn enfòmasyon sou Tice. Epi yo pral pouse prensip enklizyon ak rejè teworis nan administrasyon an ki enpòtan anpil pou Etazini sipòte yon nouvo gouvènman.
Putin mande Izrayèl Retire Twoup li yo "sou Teritwa Siryen an"
Prezidan Ris Vladimir Putin te mande Izrayèl pou retire twoup li yo nan "teritwa peyi Siri", yo te deplwaye nan yon zòn tanpon Nasyonzini kontwole ki separe 2 peyi yo sou Plato Golan an.
Facebook Forum