Mwayen Oryan
Guterres Lanse Apèl pou Aksè Imanitè 'Tou Suit' pou Gaza
Nan moman pwovizyon pwodui premye nesesite yo ap diminye anpil nan Gaza, Sekretè Jeneral Nasyonzuni, Antonio Guterres lanse apèl pou aksè imanitè a anklav la, ki anba syèj.
Guterres ap vwayaje nan Mwayèn Oryan an pou gade preparasyon LONU ap fè pou livre yon pakèt sipò pou Gaza.
Guterres di jounalis yo ke pandan prèske 2 semèn moun Gaza ap viv prèske san gaz, manje, dlo, medikaman ak lot pwodui premye nesesite. Maladi ap pwopaje. Pwovizyon yo ap diminye, moun ap mouri."
Li dekri sityasyon an tankou yon moman kriz an pwofondè tankou sa rejyon an pa konstate depi plizyè dizèn lane. Li di se atak "atwòs" Hamas lanse kont Izrayèl 7 Oktòb pase a ki lakoz syèj Izraelyen an ak bonbadman li sanzarè kont Gaza.
Chèf LONU an mande 2 aksyon imanitè tou suit fas ak katastwòf imanitè a.
Li mande pou Hamas lage san kondisyon tousuit, tout otaj yo. Li mande Izrayèl poul sispann tou suit bloke aksè a asistans imanitè pou ke yo ka reponn bezwen de baz moun Gaza yo.
"Okenn solisyon pa posib san kreyasyon yon eta Palestinyen endepandan, bò kote Izrayèl kote gen garanti sekirite sou tou le 2 bò yo ann akò ak rezolisyon entènasyonal yo ak akò ki te tabli ant 2 pati yo."
Guterres gen pou l patisipe nan yon somè entènasyonal sou Gaza ke Prezidan Ejipsyen an ap òganize pou Samdi sa a 21 Oktòb.
See all News Updates of the Day
Te Gen Plizye Eksplozyon Kote yo Tap Chante Fineray 3 Manm Hezbollah nan Liban
Plizyè eksplozyon sote Mèkredi nan lye kote yo tap chante fineray 3 manm Hezbollah ak yon timoun ki mouri nan eksplozyon "biper" ki te fèt Madi a, dapre sa jounalis Associated Press (AP) ki te sou plas rapòte.
Yon Nouvo Seri Eksplozyon Frape Liban
Plizyè eksplozyon sote Mèkredi nan lye kote yo tap chante fineray 3 manm Hezbollah ak yon timoun ki mouri nan eksplozyon "biper" ki te fèt Madi a, dapre sa jounalis Associated Press (AP) ki te sou plas rapòte.
Ministè sante Liban an di omwens yon moun mouri e plis pase 100 lòt blese Mèkredi nan eksplozyon aparèy elektwonik nan plizyè rejyon nan peyi a.
Yon responsab Hezbollah di AP ke "walkie-talkie" gwoup la eksploze e moun te ka tande bri eksplozyon an nan Beiwout.
Responsab la pale sou kondisyon pou non li pa site paske li pat gen otorizasyon pale ak laprès.
Sekrete d Eta Antony Blinken kap vizite Ejipt di Etazini pat o kouran atak la.
"Pa rapò ak Liban, Etazini pa te o kouran ensidan sa yo ni patisipe nan. Nap ranmase enfòmasyon toujou e an jeneral nou di kleman ke li enpòtan pou tout pati yo evite fe okenn bagay ki taka chofe konfli a pi plis alòske nap eseye rezoud konfli Gaza a."
Ajans nouvèl ofisyèl Liban an rapòte tou ke sistèm enèji solè yo te eksploze nan kay nan divès katye Beirout ak nan sid Liban.
Nouvo seri eksplozyon ki frape peyi a lakoz konfizyon ak kolè apre atak ak bonm "biper" yo ki sanble se yon atak konplike Izrayelyen ki vize manm Hezbollah yo.
Pòtpawòl Komisyon Dwa Moun Nasyonzuni, Ravina Shamdasani di atak nan Liban ak Siri yo chokan e ke enpak sou sivil yo pa akseptab.
"Fok gen yon anket endepandan, konplè e transparan sou sikonstans eksplozyon sa yo. Nou dwe trennen devan la jistis, moun ki òdone yo epi egzekite yo."
Eksplozyon yo dewoule yon jou apre sak te sanble yon atak Izrayelyen ki vize "biper" ke Hezbollah itilize. Omwens 12 moun mouri epi prèske 3 mil blese.
Pami viktim yo te gen 2 timoun. Nouvèl yo fè konnen bipè yo sote nan Liban epitou nan Siri.
Eksplozyon Liban: Hezbollah Anonse ke Lidè li Ap Pran La Pawòl Jedi
Lidè Hezbollah a, Hassan Nasrallah, pral fè yon diskou Jedi, dapre sa mouvman Islamis Libanè a te di Mèkredi apre eksplozyon "Biper" manm gwoup pwo-Iranyen an konn itilize.
Eksplozyon sa yo ki te koze lanmò 9 moun ak blese dè santèn lot nan peyi Liban.
Hezbollah te di nan yon deklarasyon mesye Nasrallah pral pale jedi a 5:00 p.m. (2:00 p.m. GMT) sou "dènye devlopman yo".
Prezidan Ejipsyen Sissi Pwomèt Blinken pou l Fè plis Efò pou Jwenn Lapè nan Gaza
Prezidan peyi Ejip, Abdel Fattah al-Sissi, nan yon reyinyon Mèkredi nan vil Kèr ak Sekretè Deta Ameriken Antony Blinken, pwomèt pou l fè plis efò pou jwenn yon akò seselfe nan Gaza.
Dapre yon kominike ke biwo prezidan an pibliye pandan reyinyon sila, Sissi te "boukante opinyon li ak Blinken sou fason 3 peyi yo, Ejip, Etazini ak Katar, kapab ogmante efò pou jwenn pwogrè nan negosyasyon ki deja sou pye pou jwenn yon akò seselfe nan Gaza ak yon boukantaj otaj ak prizonye.
Washington Mande Teheran pou l pa Ogmante Tansyon apre Eksplozyon Liban an
Madi, Etazini te mande Iran pou evite nenpòt aksyon ki ta ogmante tansyon apre eksplozyon yon bipè ki te blese plizyè santèn manm Hezbollah nan peyi Liban, ansanm ak anbasadè Iran an nan Beyrouth.
Pòtpawòl diplomasi Ameriken an, Matthew Miller, deklare, "Nou ankouraje Iran pou l pa sèvi ak mwendr evènman an pou eseye alimante enstabilite ak ogmante tansyon nan rejyon an. "
Facebook Forum