Depatman Deta Ameriken te voye Sou-Sekretè Deta pou Zafè Politik, Victoria Nuland, patisipe nan yon chita-koze "difisil" nan Niamey ak militè yo ki te anchaje koudeta a nan Nijè. Etazini di ke li anfavè mwayen diplomatik pou retabli lòd konstitisyonèl la, olye de yon entèvansyon militè tankou jan CEDEAO te anonse a.
Lidè yo nan Kominote Ekonomik Eta Afrik Lwès yo (CEDEAO) pral rankontre ankò Jedi nan Abuja, pou diskite sou sitiyasyon an nan Nijè, 2 semèn apre koudeta a.
Nan yon somè nan Abuja nan dat 30 Jiyè a, lidè Afrik Lwès te bay militè Nijeryen yo yon delè pou yo remèt pouvwa a bay Prezidan Mohamed Bazoum ki aktyèlman prizonye.
Chèf estaf rejyon an te menm trase "plan" pou yon posib entèvansyon ame, men delè a bout depi dimanch a 23:00 GMT.
Dapre yon sous pwòch CEDEAO, blòk ekonomik la pa sou kesyon entèvansyon militè kounyea, men chimen dyalòg la toujou rete sou tab la.
