Yon sondaj montre sèlman mwatye Demokrat yo kwè Prezidan Joe Biden ta dwe poze kanditatu li pou yon lot manda an 2024. Sepandan yon gwo majorite di yo pral apiye li si li ranpòte nominasyon pati Demokrat la pou pòs prezidan an.
Sondaj la ke Associated Press fè ansanm ak Sant Rechèch sou Zafè Piblik NORC la, montre 26% Ameriken an jeneral vle wè Biden poze kandidatu li pou yon lòt manda. Chif sa a yo ti kras miyò pase 22% pousan moun ki te di sa an Janvye.
Gen 47% Demokrat yo ki di yo vle pou li poze kandidatu li, ki se yon ti ogmantasyon konpare ak 37% ki te di sa nan mwad Janvye a.
Elektè Jenipher Lagana, 59 an di li renmen Biden, ki gen 80 zan men pwoblèm li genyen ak lide pou misye poze kandidati li an 2024 se laj li.
