Pandan prèske yon ane Rezèv Federal la te gen yon misyon pou rafredi mache travay la pou kontre kare youn nan pi gwo enflasyon Etazini janm konstate depi 40 an.
Men mache anplwa a pa kowopere.
Nan mwad Janvye a, gouvenman an rapòte ke konpayi yo ajoute 517,000 nouvo djòb sou mache a e ke to chomaj la bese a 3,4% - se chif pi ba yo janm anrejistre depi ane 1969.
Done sa yo telman ekstraòdine ekonomis yo ap reflechi epi poze kestyon pou konnen poukisa to enterè agresiv Rezèv Federal la pwopoze yo pa afekte kantite nouvo anplwaye konpayi yo ap anboche nan yon moman kote anpil nan yo predi yon resesyon pral frape Etazini.
