Konpayi Ameriken yo fè yon ralanti sou kantite moun yo anplwaye pandan mwad Septanm nan men kanmenm yo te ajoute 263,000 nouvo djòb.
Chif sa a pral ede Rezèv Federal la kontinye ogmante to enterè a pou konbat lavichè .
Konpayi yo anplwaye 315,000 nouvo moun pandan mwad Out la ki se chif pi fè ba yo anrejistre depi mwad Avril 2021.
To chomaj la bese de 3,7% a 3,5% - ki se chif pi ba yo anrejistre Ozetazini depi 50 an.
Rezèv Federal la espere ralanti sa a nan nouvo anplwaye pral evantyèlman soulaje presyon ki egziste pou konpayi yo ogmante salè yo epi konpanse pou sa ak pri machindiz yo sou mache a. Sa vle di lavichè pral ogmante.
Sepandan kantite nouvo djòb ki te disponib pandan mwad Septanm nan ap satisfè jefò bank santral la ap fè pou jere enflasyon.
