Mwayen Oryan
- Serge Michel
Iran: Fanatik Akeyi Elnaz Rekabi Apre li Rive nan Kapital la Teheran
Elnaz Rekabi, ki te patisipe nan chanpyona grenpe wòch nan Kore di Sid san vwal hijab la ki obligatwa pou atlèt fanm yo nan Iran, rive nan kapital la Teheran kote yon pakèt sipòtè ak fanatik akeyi li mèkredi maten, pandan gen kè-sote kòmkwa yo ta ka arete li e mete entèdiksyon pou li pa kite peyi a.
Menm kote Rekabi rive nan Iran, li parèt devan kamera 2 ajans televizyon gouvènman, e li di yo ke li te nan
konpetisyon an san yon hijab men ke sete « senpman yon aksidan ».
Li di, « se paske mwen te okipe nan mete rad ak ekipman spò mwen, e apre sa mwen te antre nan konpetisyon. » Li ajoute ke li te tounen Iran ak anpil tansyon ak stress, men ke Bondye fè anyen pa rive. »
See all News Updates of the Day
Izrayèl di Li Pap Abandone Zòn Fwotyè yo ak Lasiri
Gouvènman Izrayelyen an anonse li pap abandone zòn tanpon li okipe sou fwontyè ant peyi a ak Siri toutotan sekirite rezidan nan Mòn Golan yo pa garanti.
Siri: Nouvo Pouvwa a anonse Entegrasyon Rebèl Yo Nan Ministè Defans Peyi a
Nouvo otorite siryen yo te anonse Madi yon akò ak "tout gwoup ame" pou kraze yo, yo presize yo pral entegre yo nan Ministè Defans lan.
"Yon reyinyon chèf" gwoup ame yo ak nouvo lidè peyi Siri a Ahmad al-Shareh "a debouche sou yon akò pou kraze tout gwoup yo ak entegrasyon yo anba sipèvizyon Ministè Defans lan", ajans ofisyèl Sana ak nouvo otorite yo te endike sou kont Telegram yo.
Diplomat Ameriken yo ak Anvwaye Spesyal pou Otaj yo Vizite Siri
ASHINGTON (AP) — Premye diplomat ameriken yo te vizite peyi Siri depi Prezidan Bashar Assad rache manyòk li nan kòmansman mwa sa a, nan Damas pou yo fè yon chita pale ak nouvo lidèchip peyi a epi chèche enfòmasyon sou kote jounalis Ameriken ki disparèt la, Austin Tice ye.
Depatman Deta te di byen bonè Vandredi diplomat an chèf pou Mwayen Oryan Barbara Leaf, ansyen anvwaye espesyal pou peyi Siri Daniel Rubinstein, ak anvwaye an chèf administrasyon Biden pou negosyasyon otaj, Roger Carstens, nan chita pale ak lidè pwovizwa peyi Siri yo.
Prensipal pwen nan ajanda yo se jwenn enfòmasyon sou Tice. Epi yo pral pouse prensip enklizyon ak rejè teworis nan administrasyon an ki enpòtan anpil pou Etazini sipòte yon nouvo gouvènman.
Putin mande Izrayèl Retire Twoup li yo "sou Teritwa Siryen an"
Prezidan Ris Vladimir Putin te mande Izrayèl pou retire twoup li yo nan "teritwa peyi Siri", yo te deplwaye nan yon zòn tanpon Nasyonzini kontwole ki separe 2 peyi yo sou Plato Golan an.
Putin mande Izrayèl pou Retire Twoup li yo "nan Teritwa Siryen an"
Prezidan Ris Vladimir Putin te mande Izrayèl pou retire twoup li yo nan "teritwa peyi Siri", yo te deplwaye nan yon zòn tanpon Nasyonzini kontwole ki separe 2 peyi yo sou Plato Golan an.
"Nou espere Izrayèl pral retire kò l sou teritwa siryen an yon moman done," lidè Ris la, peyi l sèvi kòm refij pou Bashar al-Assad, te deklare.
"Prensipal benefisyè evènman yo nan peyi Siri se Izrayèl. Larisi kondane nenpòt teritwa siryen ki sezi," li te ajoute pandan gwo konferans pou laprès anyèl li.
Facebook Forum