Prezidan Joe Biden pran wout eta Iowa ki chaje ak mayi, kote li pral anonse desizyon li pou l sispann yon lwa federal epi pèmèt yo vann yon kalite gazolin ki melanje ak ethanòl pandan sezon ete a.
Administrasyon Biden nan ap ogmante jefò li pou bese pri gazolin nan nan ponp gaz yo, ki ogmante akoz lagè Ikrèn nan.
Pi fo gazolin kap vann Ozetazini melanje ak 10% ethanòl.
Ajans Pwoteksyon Anviwonman an pral pibliye yon eksepsyon dijans pou pèmèt yon kalite gazolin ki melanje ak 15% ethanòl sou mache a. D'abitid yo kont entèdi lavant tip gaz sa a ant 1 Jyen ak 15 Septanm akoz ke sote otorite yo genyen pou'l pa ogmante kantite polisyon ki nan lè a epi chofe tanperati a.
Administrasyon Biden nan di mezi sa a pral ede chofè yo ekonomize 10 santim pa galon nan 2,300 stasyon gaz.
