WASHINGTON —
Prezidan Joe Biden vize "zam fantom" yo - setadi zam ki fabrike an prive san nimewo seri e ke moun ap sèvi de plizanpli pou komèt krim.
Pandan yon seremoni nan Lamezonblanch Lendi, Biden mete aksan sou travay Depatman Jistis la fè pou finalize nouvo règleman ki pral sere boulon moun ki sèvi ak zam sa yo.
Li anonse tou nominasyon Steve Dettlebach, ki te sèvi kòm Minis Jistis eta Ohio ant ane 2009 ak 2016, kòm direktè Biwo Alkòl, Tabak, Zam ak Eksplosiv la.
Kanmenm, anons nouvo lwa a montre tou limit enfliyans Biden genyen pou'l pouse Kongrè a pou'l fè refòm nan nan lwa ki gen rapò ak zam a fe yo.
Kongrè a bloke sou divès plan lejislatif ki anvizaje fè refòm nan lwa sou zam yo depi 10 zan.
