Ansyen prezidan Afganistan, Hamid Karzai, mete ansanm ak dirijan Taliban yo dimanch pou ekzòte Etazini pou l rekonsidere desizyon kote Prezidan Joe Biden siyen dekrè pou pèmèt mwatye nan apeprè 7 milya dola lajan ke peyi etranje te bay Afganistan, e rezève l pou fanmi moun ki te viktim atak teworis 11 Septanm 2001 yo.
"Pèp Afganistan an pataje doulè fanmi ak zanmi moun ki pèdi lavi yo nan trajedi 11 Septanm nan. Nou gen konpasyon pou yo," se sa Karzai di nan yon konferans pou laprès nan Kaboul. Li ajoute: "Kenbe oubyen sezi lajan moun Afganistan pou rezon sa a li enjis e se yon atwosite kont pèp afgan an."
Da Afganistan Bank, bank santral peyi a, te depoze lajan nan Bank Rezèv Federal New York. Etazini bloke lajan sa a depi mwa Daout, lè gouvènman Afganistan ke Etazini te sipòte a te tonbe, kote Taliban te sezi kontwòl peyi a.
Kèk kritik fè konnen Etazini ki bloke fon lajan Afganistan an agrave yon sityasyon imanitè ki te deja mal nan peyi sa a ke konfli fin ravaje e sa pouse ekonomi li ki depann de peyi etranje rive nan pwen pou l plonje desann pi ba.
