Accessibility links

Breaking News

Mwayen Oryan

Rubio di Relasyon Washington ak Moskou ta Ka Ranfòse Apre Lagè Ikrèn nan

Russia Ukraine War
Russia Ukraine War

Sekretè Deta ameriken an, Marco Rubio, te di madi apre li te rankontre kont pati li a Ris nan Riyad ke relasyon ant Washington ak Moskou ta ka ranfòse si lagè nan Ikrèn te fini.

Sekretè Deta ameriken an, Marco Rubio, te di madi apre li te rankontre tokay ris li a nan Riyad ke relasyon Washington ak Moskou ta ka ranfòse si lagè nan Ikrèn nan fini.

Msye Rubio di repòtè yo, "opòtinite egziste pou nou kapab gen yon patenarya" ak Larisi, men li te ajoute ke "pou sa fèt, se ta apre konfli sa a."

Nan menm chita pale sa a ak laprès, Marco Rubio te bay plis detay sou chita pale yo, li te deklare "Bon, premye bagay m ta di sè ke nou antann nou sou kat prensip mwen panse ki enpòtan. Dabò, nou pral travay. Nou pral chwazi ekip nou yo, kap travay trè vit pou re-evalye fason misyon 2 peyi nou yo ap fonksyone nan Washington ak Moskou. Pou n ka kontinye vanse nan direksyon sa a, fòk nou gen enstalasyon diplomatik k ap opere e k ap fonksyone nòmalman."

Netanyahu Bay Siy li ap Mache ak Plan Trump pou Wetire Palestinyen yo nan Gaza

U.S. Secretary of State Marco Rubio visits Jerusalem
U.S. Secretary of State Marco Rubio visits Jerusalem

JERIZALÈM (AP) — Premye Minis Izrayèl la, Benjamin Netanyahu, bay siy li ap mache ak pwopozisyon Prezidan ameriken an, Donald Trump, pou transfere popilasyon palestinyen an soti nan Gaza. Netanyahu dekri sa kòm “sèl plan ki posib pou pèmèt yon avni diferan” pou rejyon an.

Li te diskite sou plan an dimanch ak Sekretè Deta ameriken Marco Rubio, ki t ap kòmanse yon vizit nan Mwayen Oryan an. Rubio apiye objektif lagè Izrayèl la nan Gaza epi li deklare Hamas “dwe elimine.”

Sa mete plis dout sou yon trèv ki deja frajil, paske dezyèm faz negosyasyon yo poko kòmanse. Rubio pral vizite kèk gwo aktè rejyonal, tankou Arabi Saoudit ak Emira Arab Ini.

Rubio ap Dirije yon Delegasyon Ameriken nan Arabi Saoudit pou Negosyasyon ak Larisi sou Ikrèn

U.S. Secretary of State Marco Rubio visits Saudi Arabia
U.S. Secretary of State Marco Rubio visits Saudi Arabia

WASHINGTON (AP) — Yon responsab ameriken di Sekretè Deta Marco Rubio ap dirije yon delegasyon nan Arabi Saoudit nan jou k ap vini yo pou fè negosyasyon dirèk ak otorite ris yo pou wè si ya jwenn yon fen nan envazyon Moskou a nan Ikrèn.

Pèsonalite ofisyèl sa a di Konseye pou Sekirite nasyonal la, Michael Waltz, ak anvwaye espesyal Steve Witkoff espere patisipe tou nan negosyasyon yo nan Riyad.

Sous la, ki pa otorize pou l bay detay sou negosyasyon yo, pale sou kondisyon pou yo pa site non l. Li ajoute administrasyon an wè negosyasyon sa yo kòm yon premye faz ki toujou ap evolye, epi moun ki finalman ap chita bò tab la pou diskisyon yo ka chanje.

Rubio Pral Rankontre Otorite Ris, Ikrenyen nan Arabi Saoudit

Mideast Israel Rubio
Mideast Israel Rubio

Ofisyèl ameriken yo te di Samdi, plizyè gwo ofisyèl administrasyon Trump, ki gen ladan Sekretè Deta Marco Rubio, pral fè yon chita pale nan Arabi Saoudit ak negosyatè Ris ak Ikrenyen pou eseye mete fen nan lagè a.

Konseye sekirite nasyonal prezidan an, Mike Waltz, anvwaye espesyal pou Mwayen Oryan Steve Witkoff, ak Sekretè Deta Marco Rubio pral vwayaje nan Arabi Saoudit, dapre sa ofisyèl yo te di nan yon deklarasyon san yo pa bay plis detay.

Plan Trump pou Gaza: Somè Arab la Ap Fèt nan Riyad 20 Fevriye

Trump Israel
Trump Israel

Somè senk peyi arab yo, ki vize prepare yon repons pou plan prezidan ameriken, Donald Trump, ki prevwa deplase Palestinyen yo soti nan Fwontyè Gaza, ap fèt 20 fevriye, daprè sa yon sous saoudyen te di AFP.

Somè sa a ap reyini lidè Arabi Saoudit, Lejip, Emira Arab Ini, Katar, ak Jordani, ansanm ak Otorite Palestinyen, "pou analize plan Trump lan an pwofondè epi prepare yon repons arab," selon menm sous la.

Load more

XS
SM
MD
LG