Kore di Nò lanse yon misil balistik entè-kontinantal jodi jedi a, dapre konklizyon Etazini ak alye li yo nan rejyon an, premye fwa Pyongyang lanse yon misil ki tire lwen depi 2017.
Gouvènman Britanik la anonse Jedi yon seri nouvo sanksyon ki vize 59 pèsonaj ak konpayi Ris ak 6 moun nan Byelorisi.
Jens Stoltenberg, ki se Sekretè Jeneral Òganizasyon Trete Atlantik Nò a, LOTAN, deklare Jedi ke Prezidan Ris la Vladimir Putin fè yon "gwo erè" ak envazyon li a nan Ikrèn, kote li jwenn yon rezistans ke li te "souzestime",
Prezidan Ikrenyen Volodymyr Zelenskyy te pale devan palman fransè a Mèkredi, kote li di li espere ke Lafrans ap ede Ikrèn mete yon fen nan "lagè kont libète, egalite ak fratènite" sa a epi finalman respekte Inyon Ewopeyen an.
Nan videyo-konferans li fè devan Palman Japonè a, Prezidan Ikrenyen an, Volodymyr Zelenskyy denonse Nasyonzini Mèkredi, paske li pa t 'kapab anpeche Larisi anvayi peyi l, epi li te mande pou gen refòm pwofon andedan enstitisyon an .
Thailand ap vanse pou-l soti nan sityasyon pandemi an nan 3 mwa pou pita apre ke li fin leve kèk restriksyon akoz Koronavirus la ke li te mete sou vwayaj.
Lachin te deklare Mèkredi ke li pa dakò pou yo ekskli Larisi nan pwochen somè G20 an, ki se yon bagay Washington te prevwa apre envazyon Ris nan Ikrèn.
Depite Larisi yo te vote Madi yon lwa ki bay jiska 15 zan prizon pou moun ki ap bay fo nouvèl sou lagè a nan peyi Larisi.
Dapre chif Nasyonzini pibliye, gen plis pase 3.5 milyon moun ki kouri kite Ikrèn akoz operasyon militè espesyal lame Ris la ap mennen nan peyi a.
Prezidan Ikrenyen an deklare li pare pou diskite ak tokay Ris li Vladimir Putin sou yon "konpwomi" sou Donbass ak Krime pou "lagè a ka sispann ". Misye di li kwè sepandan ke nenpòt konpwomi ta dwe ratifye pa Ikrenyen nan yon referandòm.
Opozan gouvènman Ris la Alexei Navalny kondane pou li pase 9 ane nan prizon pou "fwod" dapre sa jounalis AFP ki te prezan nan odyans lan fè konnen.
Inyon Ewopeyèn pral apwouve fòmasyon yon fòs militè ki gen ladan li 5,000 konbatan epi li pral ogmante depans militè li yo kote yo gen objektif pou yo kapab menen pwòp entèvansyon pa yo apati ane 2025.
Apre plis pase twa semèn kote Mache Labous Moskou te ret fèmen, Lendi 21 mas la , yon pati mache a reprann aktivite.
Minis Ekonomi Franse a Bruno Le Maire di Lafrans sezi prèske 850 milyon ewo byen oligark Ris yo pami yo - yatch, apatman, ak kont an bank.
Yon nouvo kouvrefe te enpoze jodi lendi a pati de 6:00 p.m. GMT jiska Mèkredi 05:00 GMT, nan moman twoup Ris yo toujou ap chèche antoure Kyiv.
Filippo Grandi Komisyonè Nasyonzini pou Refijye di ke 10 milyon moun te kouri kite kay yo akòz lagè a, e chif sa yo reprezante plis pase yon ka nan popilasyon Ikrèn lan.
Load more
