Ansyen Prezidan Bolivyen Evo Morales te denonse Dimanch devan Komisyon Entè-Ameriken pou Dwa Moun (IACHR)ke li te sib yon tantativ asasina "ajan elit Bolivyen yo ", pandan li te sou wout pou emisyon radyo li gen chak semenn nan Cochabamba nan sant peyi a.
Kandida goch pou eleksyon prezidansyèl Irigweyen an, Yamandu Orsi, pral fè fas ak kandida Pati Nasyonal la, Alvaro Delgado, nan dezyèm tou, daprè pwojeksyon chèn televizyon yo bay dimanch lan.
Sèvis elektrisite te retabli pou plis pase 70% nan popilasyon an nan Kiba, ki te fè eksperyans yon pàn kouran san parèy sa gen kat jou, dapre sa gouvènman an te anonse Madi.
Venezyela, ki te vize rantre nan Brics pandan somè ki te fèt Kazan nan Larisi, denonse jedi veto Brezil te poze pou anpeche l rantre a, kòm yon "agresyon".
Plizyè afwontman Jedi 24 oktòb ant fòs sekirite Meksiken yo ak swadizan kriminèl te lakòz omwen 16 moun mouri nan eta Guerrero nan sid peyi a ki ap fè fas ak vyolans, dapre sa lame a te di.
Ajans ofisyèl siryen an Sana rapòte byen bonè nan Jedi yon frap Izrayelyen sou yon "bilding rezidansyèl" nan distri Kafr Sousa nan Damas, Obsèvatwa Siryen pou Dwa Moun (OSDH), yon ONG, pale "de moun ki pèdi vi yo".
Minis Defans Tik la te anonse li te frape "32 sib" PKK a ak alye li yo nan nò Irak ak peyi Siri, apre atak ki te fè omwen 5 mò nan Ankara Mèkredi.
Poutine voye kondoleyans li bay omològ Tik li Recep Tayyip Erdogan, apre yon atak mòtèl nan Ankara.
Travayè Boeing nan rejyon Seattle la voye jete dènye òf kontra konpayi a Mèkredi, epi pwolonje grèv la pou prèske 6 semenn.
FC Baselòn ranpòte afwontman twazyèm jounen faz gwoup Lig chanpyon an ak yon bèl kal sou Bayern Munich 4 a 1, Mèkredi swa lakay li nan stad olenpik li a nan Montjuic.
Sekretè Deta ameriken an, Antony Blinken, deklare madi 23 oktòb la lanmò chèf Hamas la, Yahya Sinwar, ofri yon "okazyon enpòtan" pou mete fen nan lagè a nan Gaza, pandan ke Izrayèl ap ogmante frap li yo kont Hezbollah nan Liban.
Yon kamyon sitèn te eksploze apre li te pèdi kontwòl sou yon wout eksprès toupre kapital Ouganda a, Kampala, sa ki lakòz 11 moun pèdi lavi yo, selon sa lapolis te deklare madi.
Sitiyasyon an ap kontinye vin pi mal an Ayiti malgre kèk pwogrè politik ak kòmansman deplwaman misyon fòs miltinasyonal pou sipòte polis nasyonal la dapre LONI.
Minis enteryè Venezyelyen an, Diosdado Cabello, ki souvan konsidere kòm nimewo 2 nan pouvwa a apre prezidan Nicolas Maduro, te fè konnen lendi ke Venezyela ap trake "tout moun ki trayi lapatri a".
Mouvman Libanè Hezbollah a anonse Mèkredi 23 oktòb la ke li te lanse wokèt sou yon enstalasyon militè ki nan nò Haifa, ann Izrayèl.
Prezidan Ris la Vladimir Putin mèkredi 23 oktòb di tokay Iranyen li a Massoud Pezeshkian dezi li pou Moskou "ranfòse" lyen ak Teheran, ke peyi Loksidan yo akize ap bay lame Ris la dron ak eksplozif pou operasyon militè li yo nan Ikrèn.
Ostrali anonse madi yon akò pou 4,3 milya ewo pou bay lamarin li an misil ameriken wo pòte ki gen mwayen pou tire ak long distans.
6 moun te jwenn lanmò yo nan lès peyi Kiba pandan siklòn Oscar, Prezidan Kiben an, Miguel Diaz-Canel, te anonse sa lendi a.
Paul Biya, retounen nan peyi li lendi 21 oktòb apre plizyè semèn absan ak rimè ki tap kouri sou li te bay kè sote.
Lajitis peyi Pewou kondane Ansyen prezidan pewouvyen an Alejandro Toledo ki gen 78 lane, lendi 21 oktòb la pou li al pase yon santans 20 lane ak 6 mwa nan prizon pou koripsyon ak blanchiman lajan nan kad konkennchenn eskandal BTP Odebrecht la.
Load more
