Fanmi ewo ke yon aktè ameriken te reprezante nan fim "Hotel Rwanda" a, Paul Rusesabagina, espere wè li anvan lontan, apre gouvènman peyi Rwanda a te redwi santans prizon 25 ane li a vandredi.
Vandredi, Downing Street di se Prezidan franse Emmanuel Macron ki te mande ranvwaye vizit deta wa Charles III ak Camilla gen pou yo fè nan peyi Lafrans.
PDG TikTok Shou Chew pale devan kongrè ameriken an kote li rekonèt ke platfòm lap dirige a toujou gen ansyen enfòmasyon sou itilizatè ameriken ki stoke nan sèvè ke yo genyen nan peyi Lachin, e anplwaye Tiktok Chinwa yo toujou gen aksè ak enfòmasyon sa yo.
Katòz moun pèdi lavi yo mèkredi nan yon atak jihadis, pami yo 4 sòlda.
Otorite nan Ikrèn di mèkredi yon atak ak dronn pandan lannwit yè swa a pran lavi 3 moun pou pi piti nan rejyon Kyèv.
Madi, palman peyi Uganda pase yon gwo pwojè-lwa kont gason makonmè, ki pwopoze nouvo penalite sevè pou sitwayen ki gen relasyon gason ak gason, fanm ak fanm.
Prezidan Emira Arab Ini, Sheikh Mohammed bin Zayed, resevwa jedi Ali Shamkhani ki se Sekretè Konsèy Siprèm Sekirite Nasyonal peyi Iran. Vizit sa fèt pou make rapwòchman diplomatik ki fèt ant peyi Iran ak Arabi Saoudit.
Washington denonse zak kote yon avyon lagè Ris frape yon dronn ameriken nan lanmè nwa a.
Apre Pap Franswa te deklare ke peyi Nikaragwa gen "yon diktati gwosye”, Minis Afè Etranjè Nikaragwa a di Dimanch ke peyi li ap konsidere sispann relasyon li ak Vatikan.
Otorite yo nan Transdnistri, yon rejyon ki gen separatis anfavè LaRisi nan Moldavi fè konnen ke yo dejwe yon atak ke yo di Kyèv tap fè kont plizyè dirijan yo, pandan ke toujou gen gwo tansyon nan sa ki gen rapò ak lagè a nan Ikrèn.
Soti Kaboul pou ale Paris ak Barcelòn, fanm toupatou nan mond lan manifeste Mèkredi pou defann dwa yo, ke moun nan divès peyi sou planèt la pa respekte .
Load more
