Sokhary Chau yon manm konsèy kominal nan vil Lowell nan eta Massachusetts, pase nan eleksyon kote tout koleg li yo san manke youn chwazi li pou pi gwo pos nan Konsèy la ki se kò lejislatif vil la, lendi ki sot pase a. Li vin tounen premye majistra aziatik ameriken.
Li di: Bon dye beni Etazuni. Mwen te yon refujye , kounyea mwen majistra yon gwo vil nan Massachusetts. Majistra a, ki gen 49 an, e ki travay pou biwo Administrayon Sekirite Sosyal di apre li fin prete sèman ke li pa konn si sa ta ka rive lot kote nan mond la. Li di mwen ap chache dijere-l toujou pou m kwè se vre.
Chau nan diskou prestasyon sèman ni an te reflechi sou danje ke fanmiy li te brave pou sove kite Kanbodj, e sou pakèt moun nan ansyen vil endistriyèl Lowell ki gen rasin imigran byen fon.