PEKEN —
Abit Olenpik yo rejte yon demann patinè atistik Ameriken yo te fè a la dènyè minit pou ba yo meday ajan yo anvan fen Jezolenpik yo.
Kou Abitraj pou Spo a deklare nan vil Peken li voye jete apèl 9 patinè atistik, ki fini an dezyèm plas nan konpetisyon ekip la. Gen vèni ki lage sou konpetisyon sa a akoz yon patinez Ris ki gen 15 zan, an palan de Kamila Valieva, ki teste pozitif pou dwog.
Nan yon desizyon li te pran anvan sa, Kou Abitraj la te pèmèt Valieva patisipe nan konpetisyon fanm nan malgre tès pozitif li pou dwog la te pibliye.
Komite Olenpik Entènasyonal la te reponn pou di okenn meday pata dwe distribye nan okenn evenman kote Valieva fini pami 3 meyè atlèt yo.