Yon moun louvri zam sou yon gwoup travayè konstriksyon anba lavil Auckland nan La Nouvèl Zeland. Gen 2 moun ki mouri nan fiziyad la, ki fèt kèk hè d tan sèlman anvan premye match Mondyal Foutbòl Feminen an.
Yo jwen nèg ak zam nan tou mouri, e otorite yo kwè rezon ki fè li komèt krim nan gen pou wè ak travay li te fè nan lye sa a.
Premye Minis Nouvèl Zeland lan, Chris Hipkins deklare fiziyad la sete yon zak izole. FIFA anonse tounwa foutbòl la tap demare jan yo te prevwa l kote match ouvèti a tap jwe ant La Nouvèl Zeland, ki se ko-òganizatè Mondyal la ansanm ak Ostrali. Yo tap twoke konn yo ak seleksyon nasyonal Nòvèj la. Nouvèl Zeland kale 1-0.
Otorite yo te ogmante sekirite a. Fiziyad konsa se yon bagay ki pa fèt souvan nan La Nouvèl Zeland.
Yon gwo foul moun te reponn prezan nan stad kote match foutbòl la tap jwe. Yo te obsève yon moman silans pou viktim fiziyad la.
Gen yon polisye ak 4 sivil ki blese.