Yon delegasyon palmantè Ameriken rive Taiwan, 12 jou sèlman apre yon vizit Lidè La Chanm dè Reprezantan, Nancy Pelosi te fè nan zile a - yon bagay ki te vekse Lachin anpil.
Lachin te reponn vizit Pelosi a 2 Out pase a, ak egzèsis militè kote lite voye misil, bato de gè ak avyon nan lanmè ak espas ayreyen ozalanatou Taiwan.
Enstiti Ameriken nan Taiwan nan di delegasyon 5 manm nan gen nan tèt li, Senatè Demokrat Ed Markey, ki reprezante eta Massachusetts nan Sena a. Yo rive Taiwan Dimanch e yo pral pase jounen Lendi a nan zile a tou nan kad yon vire won nan Azil.
Yo pral rankontre responsab wo plase, pami yo Prezidan Tsai Ing-wen pou diskite sou relasyon ant Etazini ak Taiwan, sekirite rejyonal, envestisman, komès ak lot kestyon ako.
Lachin deklare Taiwan se teritwa pa li e li opoze tout kontak ofisyèl ant zile a ak gouènman etranje.