Ansyen prezidan Sena Eta New Jèrze a , Demokrat Steve Sweeney, pa t kapab jwenn yon nouvo manda apre li te pèdi devan yon yon chofè kamyon.
Viktwa kandida Repibliken an Edward Durr, yon chofè kamyon pou yon konpayi mèb, kite Pati Demokrat la nan yon dezòd total.
Defèt Misye Sweeney a te inatandi. Kous pou lidèchip pati Demokrat nan palman eta New Jèrze a kòmanse.
Analis yo te espere ke Misye Sweeney ta vin Prezidan Sena a ankò, men ak pèt sa, li pa klè ki moun ki pral pran pouvwa a.
Palman New Jèrze a konpoze de 40 distri. Chak nan yo voye yon senatè ak de manm nan chanm bas la nan Trenton, kapital eta a.
Manm palman eta yo gen yon manda dezan, pandan ke senatè yo gen yon manda katran.