Mesye Cabello ki se yon responsab nan rejim "Chavista" a, te lage plizyè afich ki trete Misye Guaido ak lòt lidè opozisyon an tankou "vòlè ak ansasen".
Juan Guaido ke plizyè peyi nan entènasyonal la rekonèt kòm prezidan lejitim peyi Venezyela, kote peyi sa yo te ba li sipò te di ke yo pa t 'rekonèt re-eleksyon Nicolas Maduro nan an 2018, e yo te bay Juan Guaido aksè a lajan Venezyelyen ke yo te bloke aletranje.
Otorite Venezyelyen yo te lanse plizyè ankèt sou Guaido , men pako janm arete lidè 38 an. Sepandan, yo te arete l pou yon ti moman nan mwa janvye 2019, epi an 2021 li te gen yon diskisyon lakay li ak ajan sekirite yo te finalman lage li.
Cabello te pwomèt ke "Pwal gen sipriz epi jistis pral rann vèdik li," "Yo pap ka chape".
Anplis, avi rechèch sa yo se pa pou selman Misye Guaido, sa konsène tou lòt lidè opozisyon an tankou Freddy Guevara, yo te arete an Jiyè pou zak "teworis" ak "trayizon", anvan yo te libere l yon mwa apre.