Sistèm elektoral Venezyela a ap fè fas ak yon eprèv jodia nan moman dè milyon elektè ap vote toupatou nan peyi Amerik di Sid sa a pou chwazi plizyè milye responsab nan yon eleksyon rejyonal anpil moun ap veye.
Eleksyon Dimanch la ap gen plis pase 130 obsèvatè entènasyonal. Pi fò nan yo soti nan Inyon Euwopeyen an.
Venezyelyen ap joure responsab elektoral yo nan yon biwo'd vot ki pat louvri a le nan katye San Augustin nan vil Caracas, kapital Venezyela, Dimanch 21 Nov. 2021.
Patisipasyon yo satisfè yon demann opozan Prezidan Nicolás Maduro fè.
Prensipal pati opozisyon yo ap patisipe nan eleksyon pou premye fwa depi 4 an. Desizyon yo pou patisipe nan eleksyon an fèt pandan negosyasyon ki sispann kounyea ant pati ki sou pouvwa a ak advèsè li yo.
Manm fos zame Venezyela fe la ke pou vote nan eleksyon rejyonal yo nan yon biwo'd vot nan Caracas, Venezyela, Dimanch 21 Nov. 2021.
Plis pase 21 milyon Venezyelyen elijib pou vote nan plis pase 3,000 kous elektoral.