Lèzetazini mete yon seri sanksyn ki pi d sou Kore di Nò yon fason pou fòse peyi sa a kanpe sou pwogram nikleyè li a. Plizyè bank ak biznisman kap fè komès ak Pyongyang frape anba sanksyon sa yo tou. Washington panse sanksyon ekonomik ki pi di ap fòse Kore di Nò abandone pwogram nikleyè li a. Nouvèl sa a vini kèk jou apre Prezidan ameriken Donald Trump te menase pou l detui Kore di Nò. Men Lidè pi grand puisans la te ajoute li pa kwè sa ap nesesè.
Premye sitwayen ameriken a di pa gen moun ki ta renmen wè bann kriminèl sa yo gen nan men yo zam nikleyè e ke chemen Pyongyang ap pran la a ka abouti ak destriksyon total Kore di Nò. Prezidan Trump di Lèzetazini gen kapasite e se sak fè li pran anpil pasyans, men si pasyans li ta rive about li pap pèdi tan pou l aji e defann tèt li.
Lokatè Lamezon Blanch te pale konsa nan diskou li te fè nan Nasyon zini 19 septanm 2017 la pandan li te pran lapawòl pou la pemyè fwa sou tribin Asanble Jeneral òdinè òganizasyon mondyal la nan New York.