Anbasadè ameriken an nan Nasyonzini, Nikki Haley, deklare jedi 14 desanm 2017 la li gen prèv enkontestab kòmkwa Iran ap voye zam ilegalman bay rebèl yo nan peyi Yemen, yon aksyon Etazini konsidere kòm yon move konpòtman bò kote repiblik islamik la.
Anbasadè a, ki t ap bay yon konferans deprès nan yon baz militè nan Washington, montre foto debri misil Iran livre bay rebèl Houti yo nan Yemen.
Madam Haley abòde rapò òganizasyon mondyal la pibliye sou aplikasyon akò nikleyè plizyè pwisans mondyal te siyen ak repiblik islamik la, peyi tankou Lèzetazini, Grann Bretay, Lachinn, Lafrans, Larisi ak Lalmay,