Lèzetazini mande gouvènman Kiben an wete 15 diplomat nan anbasad zile kominis la genyen nan Washington. Yon gwo resposnsab nan Depatman Deta presize diplomat sa yo gen yon dèle 7 jou pou yo kite Lezetazini.
Anons sa a vini mwens ke yon semèn apre Washington te deside redui prezans diplomatik li nan La Avàn kom reyaksyon pou sa otorite yo Ozetazini rele "yon atak misterye diplomat ameriken yo sibi nan Kiba."
Minis afè etranjè kiben an, Bruno Rodriguez, denonse desizyon administrasyon Prezidan Donald Trump la. Li presize, "Ministè afè etranjè kiben an proteste ak tout fòs e li denonse aksyon sa a ki san fondman."
Nou konsidere sa kòm yon desizyon inakseptab. Se se yon pretèks Lèzetazini ap itilize pou li fè konprann gouvènman kiben an pat pran dispozisyon ki nesesè pou li anpeche manm pèsonèl diplomatik ameriken an sibi kalte ensidan konsa."