Reyaksyon Kèk Responsab nan Kominote Dyaspora a sou Panik ki Blayi nan Mitan Imigran Ayisyen ki Gen TPS yo

  • Ekip Sèvis Kreyòl VOA

Twa fanmi ki di yo soti Burundi kap mache sou wout Roxham a nan direksyon fwontyè Etazini-Kanada nan zòn Champlain, New York, 3 out 2017. Foto: Reuters / Christinne Muschi. 90 pousan imigran kap kouri antre Kanada yo se ayisyen.

Kèk responsab nan kominote ayisyèn nan reyaji sou panik ki genyen nan mitan imigran ayisyen kap kouri janbe fwontyè kite Etazini pou antre Kanada e mande azil politik avan Stati Pwoteksyon Tanporè yo, TPS, rive nan bout li.

Marleine Bastien, direktris Fanm Ayisyèn nan Miami, dekonseye imigran ayisyen sa yo kite Etazini pou ale ilegalman o Kanada. Dapre Madam Bastien, pa gen okenn garanti otorite imigrasyon kanadyèn pral konsidere ka moun sa yo epi akòde yo stati legal pou rete nan peyi Kanada. Direktris òganizasyon fanm lan kontinye pou l di: "Nou paka di imigrasyon amerikèn pa pral pwolonje TPS la ankò pou ayisyen yo."

Madam Bastien ki tap debat dosye imigran ayisyen ki gen TPS yo sou lèzond Lavawdlamerik fè konnen: "Soti Etazini pou al mande azil Kanada se yon move desizyon. "

Marleine Bastien te reponn kesyon Jean Pierre Leroy.

Your browser doesn’t support HTML5

Marleine Bastien sou sityasyon imigran ki gen TPS yo ka janbe o Kanada

Marjorie Villefranche, direktris Mezon Dayiti nan vil Monreyal, pwovens Kebèk, di Lavwadlamerik, "Se yon mezi espesyal sèlman ki kapab legalize imigran sa yo ki soti Etazini."

Your browser doesn’t support HTML5

Marjorie Villefranche sou sitiyasyon imigran ayisyen yo kap made azil o Kanada

Pou kounye a, imigran sa yo ap rete o Kanada ann atandan gouvènman federal la pwononse l sou estati definitif yo pou site Pierre Emmanuel ki se Direktè Enfòmasyon Radyo Unyon.Pwen.Com ou CEPAM nan Monreyal.