Nan yon deklarasyon depi Mar-a-Lago, Florid kote li abite kounyea, milyadè Repibliken an te di ke li pral diskite sou eleksyon prezidansyèl ki te fet an Novanm 2020, kote li di yo te vòlè eleksyon an nan men li.
Ansyen prezidan an te kritike komisyon palmantè ki responsab ankèt sou atak la, li te di olye de sa, yo ta dwe mennen ankèt sou " rezilta eleksyon prezidansyèl 2020 an".
Mesye Trump te di: "Mwen pral fè yon konferans pou laprès 6 janvye nan Mar-a-Lago pou diskite sou tout pwen sa yo ak lòt,"
Donald Trump, ki te pèdi eleksyon 2020 la pa plis pase sèt milyon vòt devan Joe Biden, te fè konnen nan dènye mwa yo ke li ta ka kandida pou yon lòt manda an 2024.
YE Top Photos 2021
Li denonse komite palmantè a kap chèche fè limyè sou evènman 6 janvye 2021 la, kote plizyè milye manifestan te anvayi Kongrè Etazini pou eseye anpeche yo sètifye rezilta ofisyèl viktwa Joe Biden nan eleksyon prezidansyèl 2020 an.