WASHINGTON —
Mèkredi 25 janvye 2017 la Prezidan Ameriken an, Donald Trump, pran yon dekrè sou imigrasyon kote li pase lòd pou yo kòmanse bati yon gwo miray nan zòn sid peyi a sou fwontyè ki separe Lezetazini ak Meksik pou anpeche imigran san dokiman legal rantre nan Ozetazini.
Frontyè ant Etazini ak Meksik nan zòn Tijuana, Meksik, 25 janvye 2017.
Pou sa k konsène fon lajn gouvènman federal la bay vil amerikèn yo, Prezidan Trump menm menase pou l bloke fon sa a pou l pa rive jwenn vil ki vle sèvi kòm yon abri imigran ki san dokiman legal yo.
Prezidan Trump siyen dekrè sou imigrasyon sa a pendan vizit li nan depatman Sekirite Teritoryal la, yon ajans federal ki responsab pou pwoteje fwontyè peyi Etazini.