Yon dife ki pete nan yon min lò nan sid Pewou touye 27 travaye ki tap travay lanuit.
Konpayi minn Yanaquihua a di gen 175 travayè ke yo te evakye sen-e-sof apre dife a, ki pete swa byen ta vandredi swa oubyen bonè Samdi maten.
Konpayi an di 27 moun ki mouri yo te travay pou yon konpayi ki gen kontra avek yo.
Responsab gouvènman an di yap mennen ankèt sou koz dife a.
Gen nouvèl ki di ankèt preliminè yo endike yon kou sikui te petèt koze yon eksplozyon anba tè a.
Paran viktim yo te pran otobus pou al nan min nan, ki sitye nan rejyon ki rele Arequipa a.
Kèk pami yo te chita nan antre min nan pou tann kadav viktim yo.