SANTIAGO, CHILE —
Le Gabriel Boric va prete sèman kom prezidan Chili, lap non sèlman moun pi jèn kap dirije yon peyi nan Amerik di Sid la, men tou premye Latino ki gen plizyè tatouwaj sou bra'l.
Boric, ki gen 35 an, gen abitid pa okipe tradisyon, depi'l te yon lidè manifestayon etidyan. Li te refize mete kostim ak kravat politisyen yo konn mete lè li te eli manm Palman peyi a an 2014. Li te chwazi pou'l mete pito mayo djaz rock epi pantalon abako. Te gen yon epòk menm kote misye te raze cheve li nan stil yo rele "Mowhawk la" ke gerye endyen yo te konn frape. Tout bagay sa yo te vekse tradisyonalis yo.
Boric pa okipe yo ditou paske li di standa konvansyonèl yo se yon "zouti elit la (sèvi) pou distenge tèt li ak klas mwayen an."