Yon gwo tranblemann tè ak yon pwisans 7,3 frape Iran nan zon fwontyè li pataje ak peyi Irak dimanch 12 novanm 2017 la .
Medya iranyen yo te pale bonè lendi maten 13 novanm lan de plis pase 328 moun ki ta mouri - pifo viktim sanble tap viv nan vil Sarpol-e-Zahab nan pwovens Kermanshah. Gen 2,500 moun pou pi piti ki blese. Sepandan dènye nouvèl yo fè kwè chif la pi wo, swa anviwon 407 mò ak plizyè milye moun blese.
Biwo Etid Jewoloji Etazini an fè konnen tranblemandtè 7, 3 frape prèske nan mitan vil Halabja nan rejyon kurdistan Irak la, e nan moman sekouris yo kontinye ap chèche sivivan anba debri ak kay ki kraze yo, poko gen okenn chif sou kantite viktim yo ann Irak.
Touttfwa, Pwemye Minis Irakyen an, Haider al-Abadi deja mande ajans sante ak èd yo pou fè tout sa yo kapab pou pote asistans bay moun ki nan bezwen yo.
Tranblemandtè a lakoz blakawout epi koupe sèvis telefòn nan plizyè vil iranyen ak irakyen, yon kondisyon ki rann li pi difisil pou èd sèvis sekou yo rive jwenn viktim yo.
VIDEYO: Yon kamera sekirite ki enstale nan yon supemache nan peyi Irak kapte imaj sayo pandan sekous la (Sevis Kurd VOA)