Yon ekip enspektè zam chimik gen espwa pou yo komanse travay nan vil Douma nan Siri si li san danje pou yo antre.
Mekredi 18 avril 2018 la, enspektè yo pat janm gen chans rive kote atak ak zam chimik la te fèt la, kote plizyè douzèn moun te pedi la vi yo e anpil lot blese.
Gen yon ekip sekirite Nasyonzini ki tap tcheke pou asire yo ke zòn nan san danje, ekip sa a tonbe anba atak ak revolvè e gen yon eksplozif ki detone. Yon sous Nasyonzini di Lavwadlamerik pa gen oken manb nan ekip la ki blese.
Lezetazini ak alye li yo lage responsablite a sou gouvènman Prezidan siryen an, Bashar al Assad tandiske Larisi ak Lasiri ensiste pou di pa gen oken atak chimik ki te fèt.