Lidè rebel nan Soudan Sid Riek Machar gen pou l siyen yon akò lapè final ak gouvènman Prezidan Salva Kiir la, jedi 30out 2018 la, pou mete fen nan gè sivil ki la depi 5 lane a, apre li te fin refize fè sa.
Lidè SPLN ki nan opozisyon an ansanm ak medyatè ki reprezante Prezidan Kiir, yo sot fè plizyè semèn chita-koze nan Khartoum pou mete dènye men nan yon akò lapè global pou mete fen nan konfli a, ki pran lavi plizyè dizèn milye moun e lakoz plis pase 4 milyon moun kite kay yo.
Anvan sa, Mesye Machar ak Alyans Opozisyon Soudan Sid la te fè konnen yo refize siyen akò a paske li pat presize ki kantite eta ke Soudan Sid pwal genyen ni lizyè fwontyè eta sa yo.