2 manm kowalisyon Etazini ap dirije nan Peyi Siri a mouri e 5 lòt blese, nan sware jedi 29 mas la, nan ekplozyon yon bonm ki te arebò yon wout -pami mò yo gen yon ameriken. Se otorite Lèzetazini ki bay nouvèl la.
Sa gen yon jou (jedi 29 mas 2018 la) Prezidan Donald Trump te di li pral fè twoup militè ameriken yo kite Siri anvan lontan. Misye Trump te di:
Prezidan Donald Trump ki tap anonse li pral wete sòlda ameriken yo nan Siri anvan lontan nan yon diskou li fè jedi 29 mas la nan Lokal 18 Kan Dantrènman Richfield la, vil Richfield, Eta Ohio, (Foto: REUTERS/Yuri Gripas).
"Nou pral kite Siri anvan lontan. Lè a rive pou nou kite lòt peyi regle sa. Anvan lontan -anvan lontan- nou pral sòti laba a."
Prezidan Trump te anonse retrè twoup militè yo nan Siri nan yon diskou li fè nan Eta Ohio san li pa bay detay. Sepandan, yon ofisyèl nan Pentagòn nan (Depatman Defans ameriken an) di misyon Lèzetazini nan Siri pa chanje:
<< Misyon sòlda nou yo se ranpòte laviktwa sou Gwoup Eta Islamik la. >>
S