Nan Siri, fòs sekirite deplwaye masivman nan tout peyi a nan moman militant nan opozisyon na mande manifestan yo pou yo pran lari vandredi 30 desanm 2011 la ki se yon jou priyè .
Pandansetan plizyè militan fè konnen fòs sekirite yo touye omwen 25 kretyen vivan nan moman obsèvatè Lig Arab la ap vizite plizyè rejyon nan peyi a pou wè si gouvènman an respekte pwomès li te fè pou l sispann sere-boulon disidan yo.
Yon gwoup k ap veye sou respè dwamoun nan peyi Siri fè konnen fos sekirite yo ouvè kout zam sou plizyè milye manifestan nan Douma ki se yon banlye vil Damas kote yo touye omwen 4 kretyen vivan.
Militan yo fè konnen zak vyolans ki fèt jedi 29 desanm 2011 la pran lavi omwen 6 moun nan vil Hama. Pandanstan, anviwon 60 obsèvatè ki twouve yo nan peyi Siri fè konnen yo pral vizite kèk rejyon san yo pa bay otorite yo okenn avètisman.