WASHINGTON —
Anvwaye Nasyon Zini pou Siri an bay prediksyon grav pou avni vil Alèp jodi madi a, pandan batay kontinye ap ogmante e pandan plis sivil ap chache wete kò yo.
“Klèman, mwen pa ka demanti sa a se yon akselerasyon militè e mwen pa ka di pandan konbyen tan pati lès Alèp pwal kontinye ekziste,” se pawòl Anvwaye l ONU pou Siri Staffan de Mistura, ki t ap pale devan Palman Ewopeyen an. Li kontinye pou di “Deplasman militè pa sispann fèt.”
Moun kap kouri kite zòn rebèl yo nan Alèp. 27 novanm, 2016.
Avètisman sa a vini apre yon ofansiv siryen ki fòse prèske 16 mil moun kouri kite kay yo, e plizyè milye lòt ka fè menm jan an, dapre l ONU.