Premye minis peyi Japon an, Shinzo Abbé, fè yon vizit nan La Mezon Blanch jodi jedi 7 jen 2018 la, pou l te ankouraje Prezidan Donald Trump avanse ak plan li genyen pou fè yon rankont istorik anvan lontan ak lidè Kore di Nò a, Kim Jong Un. Apre ranontt sa a, ki dire 2 zèdtan, lidè ameriken an ak chèf gouvènman japonè a bay yon konferans pou laprès kote yo reponn kesyon jounalis ki akredite nan La Mezon Blanch yo; yo bay anpil detay sou ajanda yo te ab╟de nan rankont la, tankou dosye Kore di Nò a avèk komès entènasyonal, jan prezidan Trump te ekri sa nan yon nòt sou kont Twitter li nan kòmansmn jounen jedi a.
Prezidan Donald Trump ki tap swete Premye Minis japonè a, Shinzo Abe, byenveni nan La Mezon Blanch nan Washington, pou yon vizit anviwon 2 zèdtan jedi 7 jen 2018 la.
Sou dosye Somè Amerikano-No-Kòreyen an, Prezidan Trump deklare:
<< Rankont sa a se pa p you senp okazyon pou nou pran foto –mwen kapab garanti nou sa. Nou pral kòmanse pa tabli yon relasyon; epi apre sa, sa ki reprezante pi gwo objektif mwen, se rive siyen yon akò. Mwen ta renmen di nou n ap rive jwenn akò sa a nan yon sèl rankont –petet se posib pou nou rive reyalize denikleyarizasyon an depi premye rankont la. Paske si Kore di Nò pa aksepte denikleyarize tèt li, pa gen anyen n ap aksepte nan men yo. Se pou sa nou pa kapab elimine sanksyon yo, paske sanksyon yo gen yon pouvvwa ekstrawòdinè. Mwen ta ka di nou plis bagay toujou sou sanksyon yo; men mwen prefere pa pale de sa twòp pou le moman; men sanksyon yo ap rete sou tab la. >>
Daprè sa chèf gouvènman japonè a di laprès, li te mande rankont sa a avèk Prezidan Trump yon fason pou yo kowòdone yon estrateji pou somè Sengapou a e pou lidè ameriken an te apeze kè-sote Japon genyen konsènan somè sa a. Misye Abe ak Prezidan Trump gen pou yo rankontre ankò anvan lontan nan Somè G-7 la ki pral dewoule pandan 2 jou --vandredi 8 ak samdi 9 jen 2018 la-- nan peyi Kanada.