SEOUL —
Lame Kore di Sid la deklare misil Kore di Nò lanse depi kapital li Pyongyang eksploze nan syèl la, sak sanble yon lansman ki echwe.
Esè a Mèkredi fèt nan moman ekspè yo kwè Nò a taka lanse anvan lontan misil pòte pi long li a, nan sak ta reprezante pwovokasyon pi enpòtan yo konstate depi ane 2017.
Detay sou eksplozyon misil la poko klè. Sete 10èm esè konsa Kore di Nò fè pou ane a, e sa montre volonte peyi a pou'l pouse pou pi devan ak modènizasyon asnal zam ni an menm tan li vle mete presyon sou rival li yo.
Ekspè yo di malgre echèk ane ki pase yo Kore di Nò pi pre objektif li pou'l gen yon asnal nikleyè ki vyab ki taka menase teritwa Ameriken.