Prezidan Donald Trump pale ak Premye Minis Sengapou a, Lee Hsien Loong, yon jou aprè lidè ameriken an te anonse li-menm ak lidè Kore di Nò a, Kim Jong Un, pral fè yon rankont istorik nan vil-eta Azi Sid-Es la. Daprè La Mezon Blanch, ki t ap abòde dosye a vandredi 11 me 2018 la, Prezidan Trump di Premye Minis Loong mèsi pou volonte li genyen pou l òganize somè a nan dat 12 jen 2018 la.
Nan yon deklarasyon administrasyon Trump la pibliye nan menm jou vandredi, li fè konnen Misye Trump ak Premye Minis Loong diskite tou sou sekirite nan rejyon Endo-Pasifik la e yo repete relasyon ki egziste ant Lèzetazini ak Sengapou, twouve yo nan yon bon eta.
Foto sa a montre yon pati nan Singapou kote somè Trump-Kim nan pral dewoule nan dat 12 jen 2018 la..
Daklarasyon an konsidere rapò sa yo kòm "relasyon ki pi sere ki egziste ant Lèzetazini ak youn nan patnè ki pi pwòch li sou kontinan azyatik la nan plis pase 50 tan." Daprè Prezidan Donald Trump, objektif pwochen rankont li ak lidè nò-koreyen an, se pou Kore di Nò dakò aksepte denikleyarizasyon Preskil Kore a.