Senatè Eta Florid la Marco Rubio soumèt yon pwopozisyon lwa devan Sena a pou pwolonje Program Estati Tanporè ( TPS) pou plizyè milye ayisyen. Dapre pwopozisyon lwa a, senatè a mete devan Sena a jedi pase, Depatman sekirite enteryè Etazini a ta dwe pwolonje pwogram TPS la pou 18 mwa.
Anviwon 50 mil ayisyen kapab pèdi benefis pwogram TPS la 2 janvye 2020 si administrasyon ameriken an pa fè anyen pou regilarize estati gwoup imigran sa yo. 14 jen 2019 la militan ak lidè kominotè yo te lanse apèl bay senatè eta Florid yo pou sipòte yon pwopozisyon lwa jeneral ki ta kapab pèmèt ayisyen yo aplike pou yo vinn sitwayen ameriken.
Demach sa a ap fèt apre Prezidan Donald Trump lanse lide pou gen yon operasyon koukouwouj kont imigran k ap viv nan peyi a san dokiman legal.